नझुक्किनुस्, आरजुको भाइरल भिडियो अहिलेको होइन, कोरोना महामारीको बेला जापानमा हुँदाको

नझुक्किनुस्, आरजुको भाइरल भिडियो अहिलेको होइन, कोरोना महामारीको बेला जापानमा हुँदाको

• सुरज घिमिरे –

जेन जी आन्दोलनका क्रममा नेपाली कांग्रेसका सभापति शेरबहादुर देउवा र उनकी पत्नी तत्कालीन परराष्ट्रमन्त्री आरजु राणा देउवाको बुढानिलकण्ठस्थित निवासमा आगजनी र कुटपिट भयो।  कुटपिटपछि आरजुले पहिलो पटक सार्वजनिक अभिव्यक्ति दिएको दावी गरिएको एउटा भिडियो सामाजिक सञ्जालमा भाइरल बनेको छ। तर, हाम्रो तथ्य जाँचमा उक्त भिडियोको हालको नभई ४ वर्ष पुरानो कोरोना महामारीको समयको भएको र हालका घटनाहरुसँग कुनै सम्बन्ध नभएको पाइएको छ।

के हो दाबी ?

“Student विद्यार्थी” नामको फेसबुक पेजमा “कुटपिटपछि पहिलो पटक सार्वजनिक अभिव्यक्ति दिँदै पूर्व परराष्ट्र मन्त्री आरजु राणा देउवा । भनिन् – समाजसेवी व्यक्ति हुँ, मैले गर्नुपर्ने कार्यहरू गर्ने छु”  शीर्षकमा आइतबार साँझ ८:४४ मा एउटा ३३ सेकेन्डको भिडियो पोस्ट भयो।

भिडियोमा पूर्व परराष्ट्र मन्त्री आरजु राणा देउवाले भनेकी छिन्, “.. समवेदना पनि छ, मैले गर्न सक्ने काम सानोतिनो जे जे काम गर्न सक्छु, यहाँ बसेर पनि फोनको भरमा गरिरहेकी छु । किनभने म एउटा समाजसेवी हुँ र हमेशा आफ्नो देश, आफ्नो माटो र आफ्नो मान्छे नेपालीहरूप्रति समर्पित छु भन्दै फेरि पुनः खटिरहनुभएको सबै साथीहरूलाई धन्यवाद दिन चाहन्छु। यस्तो काम अगाडि पनि गर्नुस् । मैले गर्न सक्ने सहयोग पनि म प्रदान गर्नेछु भन्दै आफ्ना केही शब्दहरू थाती राख्छु । धन्यवाद जय नेपाल।”

३२ हजार फलोअर्स भएको उक्त पेजमा राखिएको भिडियोमा हामीले यो तथ्य जाँच गर्दै गर्दा ५९८ रियाक्सन लाइक, ११४ कमेन्ट र २० पटक शेयर भएको छ । साथै, उक्त भिडियो ५५ हजार बढीले हेरिसकेका छन् ।

हेर्नुहोस् स्क्रिन रेकर्ड भिडियो :

उक्त भिडियोलाई हुबहु लुम्बिनी समय बेलाका उदयपुर , मुकेशचन्द्र कुशवाह, र नेपाल ट्रु न्युज लगायतका फेसबुकमा पनि पोस्ट गरिएको छ ।

के हो तथ्य ?