- नेपाल फ्याक्ट चेक
- अशोज २३, २०८२
नझुक्किनुस्, गृहमन्त्री ओमप्रकाश अर्यालको भन्दै भाइरल भिडियो वास्तवमा म्यानपावर सञ्चालकको
- सुरज घिमिरे –
केही दिनअघिदेखि सामाजिक सञ्जालमा पूर्व उपप्रधान तथा गृहमन्त्रीसमेत रहेका राष्ट्रिय स्वतन्त्र पार्टी (रास्वपा)का सभापति रवि लामिछानेले न्युज २४ नेपाल टेलिभिजनको कार्यक्रम ‘सीधा कुरा जनतासँग’मा वर्तमान गृहमन्त्री ओमप्रकाश अर्यालसँग गरेको टेलिफोन संवाद दावी गरिएका भिडियोहरू भाइरल बनेका छन्।
तर, हाम्रो तथ्य जाँचमा उक्त भिडियो वर्तमान गृहमन्त्री ओमप्रकाश अर्यालको नभई साम इन्टरनेशनल नामक म्यानपावरका सञ्चालक ओमप्रकाश विश्वकर्मासँगको टेलिफोन संवादलाई भ्रम फैलाउने गरी सम्पादन गरी बनाइएको पुष्टि भएको छ।
के हो दाबी ?
‘स्काइ न्युज नेपाल’ नामको फेसबुक पेजमा अक्टोबर ६ तारिख बिहान ‘ओमप्रकाश अर्यालले रविमाथि बदला लिनुको मुख्य कारण यस्तो पो रहेछ’ शीर्षकमा एउटा भिडियो अपलोड गरेको छ। त्यसमा न्युज २४ नेपाल टेलिभिजनको कार्यक्रम ‘सीधा कुरा जनतासँग’मा प्रस्तोता रवि लामिछानेले वर्तमान गृहमन्त्री ओमप्रकाश अर्यालसँग टेलिफोन संवाद गरेको दावी गरिएको छ।
५ लाख ४४ हजार फलोअर्स भएको उक्त पेजमा अपलोड भएको उक्त भिडियोमा हामीले तथ्य जाँच गर्दैगर्दा ६०६ लाइक, ५९ कमेन्ट र १४५ पटक शेयर गरिएको छ । उक्त भिडियो २८ हजार पटक हेरिएको छ ।
२ मिनेट २६ सेकेन्डको उक्त भिडियोमा रवि लामिछानेले ओमप्रकाश नाम गरेका व्यक्तिलाई टेलिफोन लाइभमा जोड्दै भन्छन्,
“ओमप्रकाश जी नमस्कार, स्वागत छ तपाईँलाई”
ओमप्रकाशले जवाफ दिन्छन्, “हजुर नमस्कार हजुर ।”
रविले फेरि प्रश्न गर्छन्, “गुन्डा पाल्नुहुन्छ तपाईँ म्यानपावरमा ?”
ओमप्रकाशले जवाफ दिन्छन्, “अहिलेसम्म त्यस्तो काम गरिरहेको छैन हजुर…”
यसरी टेलिफोन संवाद चल्छ ।
फेसबुक पेजमा अपलोड गरिएको भिडियोको स्क्रिन रेकर्ड :
फेसबुक पेजमा राखिएको भिडियो हेर्न यहाँ क्लिक गर्नुहोस् :
उक्त भिडियोलाई प्रकाश विष्ट नामक फेसबुक पेजमा पनि अपलोड गरिएको छ। “कुनै दिन यसरी झपारेका थिए रबी सरले हालका गृहमन्त्री ओमप्रकाश अर्याललाई ?? ओमप्रकाश अर्यालले रविमाथि बदला लिनुको मुख्य कारण यस्तो पो रहेछ” भन्ने शीर्षकमा अक्टोबर ६ बिहान १०ः०६ बजे अपलोड गरिएको भिडियोमा ९५ रियाक्सन, ५ कमेन्ट र २०१ पटक शेयर गरिएको छ। उक्त भिडियो १५ हजार पटक हेरिएको छ ।
फेसबुक पेजमा राखिएको भिडियो हेर्न यहाँ क्लिक गर्नुहोस् :
के हो तथ्य ?
सन् २०२३ फेब्रुअरी २१ मा अपलोड गरिएको भिडियोमा पछाडिको ब्याकग्राउण्ड, ओमप्रकाशको पोसाक र अन्तर्वार्ताको पोजिशन ठ्याक्कै मिल्छ ।
तथ्य जाँच
के लक्ष्मी बैंकको सबै बैँक खाता बन्द गर्न अदालतले आदेश दिएको हो?
फाल्गुन २९, २०७९
यात्री मोटरसाइकलको भाइरल फोटो नयाँ हो कि पुरानो ?
जेष्ठ ८, २०८०
के स्वीडेनले सेक्सलाई खेलको मान्यता दिएको हो ?
जेष्ठ २२, २०८०
काठमाडौँको भन्दै भाइरल भिडियो वास्तवमा जापानको
अशोज १६, २०८१
